ग्रामपंचायतीची स्थापना
बामणोली हे गांव कोयना पुर्नवसन गांव आहे. सन १९६० साली सांगली जिल्हातील मिरज तालुक्यामध्ये झाले. बामणोली हे मुळगांव सातारा जिल्ह्यातील जावली तालुक्यतील आहे.
ग्रामपंचायत स्थापना सन १९८९ साली झाली व पाहिली निवडणूक सन १९९२ साली घेण्यात आली. तद्पुर्वी बामणोली गांवचे कामकाज कुपवाड मधून होत असे.
बामणोली हे गांव सांगली मिरज कुपवाड महानगर पालिका हद्दीच्या व कुपवाड MIDC हद्दीच्या नजीक आहे.
गावाची लोकसंख्या २०११ च्या जनगणनेनुसार ७९०७ आहे.
गावाची ऐतिहासिक पार्श्वभूमी
कसबे बामणोली हे गाव कोयना पुनर्वसन गाव आहे. सदर गाव हे १९६०साली तालुका जावळी, जिल्हा सातारा येथून कोयना धरण झालेने सांगली जिल्हा,
तालुका मिरज येथील कुपवाड शहरा जवळ स्थलांतर करून पुनर्वसन केले.
आपल्या जुन्या गावाची आठवण म्हणून बामणोली हे नाव सदर पुनर्वसन वसाहतीस या गावातील नागरिकांनी दिले.
जेव्हा कसबे बामणोली या गावाचे पुनर्वसन करण्यात आले त्यावेळी एकूण ९० कुटुंब संख्या होती. ती आज रोजी १९३८ इतकी झाली १९६० सालीगावच्या सभोवती संपूर्ण माळरान होते.
त्यामध्ये कालांतराने बदल होऊन आज रोजी खरीप रब्बी व बारमाही पिकांची व्यवस्था झाली आहे. आणि आज रोजी भूगर्भामध्ये पाणीसाठा सुद्धा मुबलक आहे. परंतु सदर औद्योगिक क्षेत्रा मुळे हळूहळू भूगर्भामधील पाणीसाठा हा दुषित होत आहे.
यामुळे येथील नागरिकांना पिण्यास व वापरण्यास पाण्याची टंचाई निर्माण होण्याची शक्यता आहे तरी सदर समस्येवर उपाय योजने करिता सदर भगतील नागरिक हे कार्यरत आहेत.
कसबे बामणोली या गावाला औद्योगिक क्षेत्राचा परिसर मिळाला त्यामुळे बामणोली गावातील ग्रामस्थांना रोजगार प्राप्त झाला.
या औद्योगिक क्षेत्रातील कंपन्या मध्ये महिलांना व पुरुषांना मुबलक रोजगार प्राप्त होतो.
यामुळे येथील नागरिकांचे जीवन हे धावत्या चाका प्रमाणे व्यस्त आहे. रोजचा रोजगार व त्यातून मिळणारे उत्पन या मध्ये येथील जीवनमान व्यस्त आहे.
सदर औद्योगिक क्षेत्राची स्थापना किमान सन १९८५-८६ साली झाली.
देवळे आणि सण
गावामध्ये श्री. भैरवनाथ मंदिर, श्री. गणेश मंदिर, श्री. राम मंदिर , श्री. हनुमान मंदिर, श्री. दत्त मंदिर , श्री. मायाक्का मंदिर, श्री. बाळूमामा मंदिर,
श्री. महादेव मंदिर अशी अनेक मंदिरे आहेत परंतु श्री. भैरवनाथ मंदिर हे या गावचे जागृत ग्रामदैवत आहे. श्री. भैरवनाथ देवाची यात्रा हि दत्त पोर्णिमा दिवशी फार मोठ्या प्रमाणात भरते.